Fyrkunst

Noko av det kjekkaste eg veit, er når det sit barn og teiknar i gamlelykta mi. Når eg høyrer lyden av ivrige fargeblyantar, eller penslar som bankast forsiktig mot glaset med vatn i, før dei strykast over arket og lagar dei finaste fargar og former. Eg likar ekstra godt når nokon malar meg ilag med den fine utsikta eg har. Og når eg høyrer klukkande barnelatter attåt, eller vaksne som humrar. For det hender at det er ei mamma eller ein pappa som blir med og leikar kunstnar ei lita stund, og dei har kanskje ikke teikna sidan dei var små. Av og til hender det at ein vaksen set seg ned her åleine med kaffien sin og malar eller teiknar og let tankane fly. Mange gonger har konfirmantar vore her og teikna og tulla ilag, eller skuleklasser på kreativ skuledag. Og av og til, om kveldane når eg akkurat har begynt å blinke, har det vore malegrupper her med vaksne damer.

Eg likar alle slags folk, eg. Folk, fargar, fasongar, fugl og fisk, fantasi, fryd og fyr høyrer i hop.

No kan du bla og sjå kor mykje fint gjestane mine har laga, og bli i godt humør av det. La deg inspirer til å lage kunst, du og. Eg har spart nokre ledige sider til deg. Og eg har laga fargeblyantar til deg også, om du vil ha ekte fyrfargar.
Eg likar å spre lys. Det er liksom jobben min. Å lyse opp i mørket, og vise veg. Det kan du også gjere. Lys opp dagen for nokon! Det gjer din eigen dag lysare, bare prøv!

Du hjelper meg å spre lys til barn i nød når du kjøper denne boka.

Takk til alle herlege, kreative barn og alle leikande vaksne som har laga alt dette til meg! Eg har spart på det på ein hemmelig plass i mange år, og er kjempekry av å vise det fram.

Kjærleg helsing frå Ulesund fyr