Kjære alle saman!

kjære alle saman!
talarstolen slåst
talarstolen kjempar
talarstolen flyttar verda

Erlend Berge har fotografert talarstolar i 7 år over det ganske land. Her finns 17. mai-pynta ungdomshus, pressekonferansar, politiske landsmøte og gløymde talarstolar.

Frode Grytten har late seg inspirere av desse bileta. Resultatet er dikt og prosa som med vidd og alvor, refsar og kommenterer ytringsklimaet i samtida.

Boka inneheld òg eit nyttig kompendium med tips og triks for taletrengde. Ei perfekt gåve til neste gong du sjølv skal opp på talarstolen!

rett før slutt tar talarstolen til å sveve
i all si prakt, vektlaus nokre sekund:
«kjære alle saman!»